TURAS AULTAS

La stad eis ei detg ruasseivel en Surselva, aschia il meglier temps per in eveniment en nossa biala muntogna.

Per glieud senza sturnezi:	Pez Durschin (Bifertenstock) cun ses trutgs dils bands viaden.
Per glieud cun perseveronza:	Pez Russein (Tödi) cun la Porta da Gliems.
Per glieud che gauda:	Pez Medel cun ina bellezia vesta silla Greina.

Seigi ei ella Engiadina, ella Surselva Bernesa, el Valleis, ni sin liungs viadis entuorn il mund tochen vi sur mar, jeu accumpognel vus dapertut.

REIVER

Per affons ni classas da scola dat ei pigns e sempels territoris da reiver ella regiun da Mustér.
Naturalmein dat ei era turas alpinas da reiver pretensiusas, sco il fil dil sid dal Pez Cavardiras ni il fil dil sid digl Oberalpschijen. 
Val cun ses territoris entuorn il Pez Zevreila porscha enzatgei per pign e grond.
Cumbinau cun ina viseta el bogn termal dat quei in di gartegiau.
Muossel era bugen a vus ils territoris entuorn il Furka ni ils nundumbreivels territoris el Tessin.

TREKKING

La Greina cun sia imposanta cuntrada e las massa differentas flurs ei enzatgei che vus vegnis maina ad emblidar.
Ed en mintga cass vegnin nus a veser massa animals selvadis, sco capricorns, camutschs ni urlauns.

Era in trekking da dus dis silla camona da Planura al pei dil Pez Russein e l'auter di sur il glatscher dil Hüfi tochen ella Val da Fier e vinavon a Bristen ei enzatgei tut special.

Ils trekkings ein ideals per famiglias e gruppas.